મહિલા ક્રિકેટમાં, ભારતે ગઈ કાલે અમદાવાદના નરેન્દ્ર મોદી સ્ટેડિયમ ખાતે રમાયેલી શ્રેણીની પ્રથમ વન—ડેમાં ન્યૂઝીલેન્ડને 59 રનથી પરાજય આપ્યો હતો. જીતવા માટે 228 રનનાં લક્ષ્યાંકનો પીછો કરતા ન્યુઝીલેન્ડ 40.4 ઓવરમાં 168 રનમાં ઓલઆઉટ થઈ ગયું હતું. ભારત વતી રાધા યાદવે ત્રણ અને સાઇમા ઠાકોરે બે વિકેટ લીધી હતી. અગાઉ, ટોસ જીતીને બેટિંગ પસંદ કરીને ભારત 44.3 ઓવરમાં 227 રનમાં ઓલ આઉટ થઈ ગયું હતું. તેજલ હાસબિન્સે સૌથી વધુ 42 અને દિપ્તી શર્માએ 41 રન કર્યા હતા.