મહિલાઓનાં ટી-20 વિશ્વકપમાં ગ્રૂપ બીની મેચમાં ઇંગલેન્ડે સ્કોટલેન્ડને 10 વિકેટે હરાવ્યું છે. શારજાહ ખાતે રમાયેલી મેચમાં જીત માટે 110 રનનાં લક્ષ્યાંકનો પીછો કરતા ઇંગલેન્ડે 10 ઓવર બાકી હતી ત્યારે એક પણ વિકેટ ગુમાવ્યા વિના 113 રન કરીને ભવ્ય વિજય મેળવ્યો હતો. ઓપનર માઇયા બાઉચિયર 62 અને વયાત- હોજ 51 રને અણનમ રહ્યા હતા. અગાઉ પ્રથમ બેટિંગ લઇને સ્કોટલેન્ડે છ વિકેટે 109
રન કર્યા હતા.

ગ્રુપ એની મેચ ભારત અને ઓસ્ટ્રેલિયા વચ્ચે હાલ ચાલી રહી છે.ઓસ્ટ્રેલિયાએ ટોસ જીતીને પહેલા બેટીંગ લીધી છે.

ગ્રુપ તબક્કાની મેચો પૂર્ણ થવા આવી છે ત્યારે ભારતના પ્રશંસકોની નજર આજની મેચ પર છે. ન્યૂઝીલેન્ડ સામે હાર્યા બાદ ભારતે ઓસ્ટ્રેલિયાની સામે જીતવું જ પડશે. જો ભારત હારી જાય તો નેટ રન રેટને આધારે સેમિ ફાઇનલનો નિર્ણય લેવાશે.