ટેબલ ટેનિસમાં મનિકા બત્રાએ ફ્રાન્સમાં રમાઈ રહેલી WTT ચેમ્પિયન્સ મોન્ટ પેલિયર 2024 ટુર્નામેન્ટમાં ટોચના આઠ ખેલાડીઓમાં પહોંચનાર પ્રથમ ભારતીય ટેબલ ટેનિસ ખેલાડી બનીને ઈતિહાસ રચી દીધો છે.

વિશ્વમાં 30મા ક્રમે રહેલી બત્રાએ ક્વાર્ટર્સમાં વિશ્વની 14મી ક્રમાંકિત રોમાનિયાની બર્નાડેટ ઝોક્સ સામે 3-1થી જીત મેળવીને પોતાનું સ્થાન સુરક્ષિત કર્યું હતું. આ વર્ષની શરૂઆતમાં, બત્રાએ પેરિસ 2024 ઓલિમ્પિકમાં મહિલા ટીમ ઈવેન્ટમાં રોમાનિયા સામે ભારતની 3-2થી જીત દરમિયાન પણ ઝોક્સને 3-0થી પરાજય આપ્યો હતો.