ભુજ ખાતે ગૃહરાજ્યમંત્રી હર્ષ સંઘવીએ ગુજરાત પોલીસ હાઉસિંગ બોર્ડ દ્વારા ૧૯ કરોડ રૂપિયા ખર્ચે તૈયાર કરાયેલા ૧૪૪ નવનિર્મિત મકાનોનું લોકાર્પણ કર્યું હતું.
કચ્છ જિલ્લા પોલીસ વિભાગ દ્વારા આયોજિત આ કાર્યક્રમમાં કચ્છ જિલ્લા એસઆરપી ગૃપ-૧૬ ભચાઉ ખાતેના કક્ષા-બીના ૭૨ આવાસો તથા ગાગોદર પોલીસ સ્ટેશનનું ઇ-લોકાર્પણ કર્યુ હતું, તેમજ પૂર્વ કચ્છ જિલ્લા પોલીસ પરિવાર દ્વારા સંચાલિત શિણાય ગૌશાળા તથા અંજાર એસટી ડેપો વર્કશોપનું ઇ-ખાતમુહૂર્ત કર્યું હતું.
કચ્છ જિલ્લાની મુલાકાતે આવેલા ગૃહ રાજ્યમંત્રીએ માતાના મઢ ખાતે માતા આશાપુરાના દર્શન કરી રાજ્યમાં જન સુખાકારી માટે પ્રાર્થના કરી હતી.