વિદેશ મંત્રી ડૉ. એસ. જયશંકરે કહ્યું છે કે ભારત અને ફિલિપાઈન્સ વચ્ચેના સંબંધો લોકતાંત્રિક મૂલ્યો, બહુમતીવાદી નૈતિકતા અને આર્થિક સમાનતાઓ પર આધારિત છે. ભારત-ફિલિપાઈન્સ રાજદ્વારી સંબંધોના 75 વર્ષ નિમિત્તે ગઈકાલે નવી દિલ્હીમાં એક કાર્યક્રમને સંબોધતા ડૉ. જયશંકરે કહ્યું હતું કે બંને દેશો આંતરરાષ્ટ્રીય કાયદાઓ, ધોરણો અને નિયમોને જાળવી રાખવા માટે પ્રતિબદ્ધ છે. તેમણે કહ્યું કે બંને દેશો વચ્ચેના સંબંધોમાં ખાસ કરીને છેલ્લા કેટલાક વર્ષોમાં નોંધપાત્ર વૃદ્ધિ જોવા મળી છે.
વિદેશ મંત્રીએ કહ્યું કે પ્રધાનમંત્રી નરેન્દ્ર મોદી અને રાષ્ટ્રપતિ ફર્ડિનાન્ડ માર્કોસના પ્રયાસોને કારણે આ શક્ય બન્યું છે. તેમણે કહ્યું કે સંરક્ષણ અને સુરક્ષા સહયોગ પણ મજબૂત બન્યો છે. શ્રી જયશંકરે કહ્યું કે બંને દેશોના ઈન્ડો-પેસિફિક ક્ષેત્રમાં સમાન હિતો છે. વિદેશ મંત્રીએ એમ પણ કહ્યું કે ભારતની એક્ટ ઈસ્ટ પોલિસીના કારણે બંને દેશો વચ્ચેના સંબંધો વધુ મજબૂત બન્યા છે. આ પ્રસંગને યાદગાર બનાવવા એક વિશેષ લોગો બહાર પાડવામાં આવ્યો હતો, જેમાં ભારત અને ફિલિપાઈન્સ વચ્ચેના વિશેષ સંબંધો દર્શાવવામાં આવ્યા હતા.