ભારતીય સેના અને મણિપુર પોલીસે સંયુક્ત કામગીરી કરીને મણિપુરમાંથી સાત વિસ્ફોટક ઉપકરણ – I.E.D. કબજે કર્યા છે. ઇમ્ફાલ પૂર્વ જિલ્લાના બોંગજંગ અને ઈથમ ગામોના પહાડી વિસ્તારમાં સેના અને પોલીસે દરોડા પાડતાં આ ઉપકરણ મળી આવ્યા હતાં.
કોલકાતામાં આવેલા પૂર્વ કમાન્ડના મુખ્યમથક ફૉર્ટ વિલિયમના જણાવ્યા મુજબ, ખાનગી માહિતીના આધારે તપાસ અભિયાન શરૂ કરાતાં આ સફળતા મળી છે. તપાસ દરમિયાન 28 કિલો વજનના સાત I.E.D. કબજે કરાયા છે. ભારતીય સેનાના ઇજનેરોની ટુકડીએ આ I.E.D.ને નિષ્ક્રિય કરતાં સંભવિત મોટી જાનહાની ટળી છે.