ભારતના પંકજ અડવાણી કતારના દોહામાં IBSF વિશ્વ બિલિયર્ડ્સ પ્રતિયોગિતાની ફાઇનલમાં પહોંચી ગયા છે. ગઈ કાલે સેમિફાઈનલમાં તેમણે ભારતના સૌરવ કોઠારીને 4-2થી હરાવ્યા હતા. સૌરવને કાંસ્ય ચંદ્રકથી સંતોષ માનવો પડ્યો હતો. ફાઇનલમાં 27 વખતના વિશ્વ ચેમ્પિયન પંકજ અડવાણીનો મુકાબલો ઇંગ્લેન્ડના રોબર્ટ હોલ સામે થશે. રોબર્ટ હોલે સિંગાપોરના પીટર ગિલક્રિસ્ટને 4-1થી હરાવીને ફાઇનલમાં પ્રવેશ કર્યો હતો.