બિહારમાં યોજાઇ રહેલી મહિલાઓની એશિયાઇ હોકી સ્પર્ધામાં ગત વર્ષના વિજેતા ભારતે જાપાનને પરાજય આપીને સ્પર્ધાની સેમીફાઇનલમાં પ્રવેશ કર્યો છે.
આજે રમાયેલી લીગ જુથની મેચમાં ભારતે જાપાન સામે ૩-૦ ગોલથી વિજય મેળવ્યો છે. આ સ્પર્ધામાં સૌથી વધુ ગોલ નોંધાવનાર દિપીકાએ આજે બે, જયારે ઉપસુકાની નવનીત કૌરે એક ગોલ નોંધાવ્યો હતો. લીગ મેચોમાં પાંચેય મેચ જીતીને ૧૫ અંકો સાથે ભારત સૌથી મોખરે છે. જયારે ૧ર અંકો સાથે ચીન બીજા સ્થાને છે. આ મંગળવારે રમાનારી સેમીફાઇનલમાં ભારત અને જાપાન વચ્ચે મુકાબલો થશે. આજે રમાયેલી અન્ય લીગ મેચોમાં ચીને – દક્ષિણ કોરિયાને, જયારે મલેશિયાએ થાઇલેન્ડને પરાજય આપ્યો છે.