બાંગ્લાદેશના રાષ્ટ્રપતિ મોહમ્મદ શાહબુદ્દીને બંગ ભવનમાં ગઈકાલે વચગાળાની સરકારના વધુ ચાર સલાહકારને શપથગ્રહણ કરાવ્યા હતા. આ સલાહકારોમાં અર્થશાસ્ત્રી વાહિદુદ્દીન મહમુદ, પૂર્વ સચિવ મોહમ્મદ ફઝુલ કબીર ખાન, પૂર્વ કેબિનેટ સચીવ અલી ઈમામ મજૂમદાર અને બાંગ્લાદેશ રાઈફળ્સના પૂર્વ મહાનિદેશક લેફ્ટનન્ટ જનરલ જહાંગીર આલમ ચૌધરી સામેલ છે.
આ પ્રસંગે વચગાળાની સરકારના મુખ્ય સલાહકાર પ્રૉફેસર મોહમ્મદ યુનુસ અને અન્ય સલાહકારો તેમ જ ત્રણેય સેનાના પ્રમુખ ઉપસ્થિત રહ્યા હતા. આ સાથે પ્રૉફેસર યુનુસના નેતૃત્વવાળી વચગાળાની સરકારમાં હવે સલાહકાર પરિષદના સભ્યોની સંખ્યા 21 થઈ છે.