બનાસકાંઠાનાની વાવ વિધાનસભા બેઠક પર ગઈકાલે યોજાયેલી પેટા-ચૂંટણીમાં સરેરાશ 70.54 ટકા મતદાન નોંધાયું છે.
બનાસકાંઠાના અમારા પ્રતિનિધિ સવજી ચૌધરી જણાવે છે કે, વાવ બેઠક માટે કુલ 3 લાખ 10 હજાર 775 મતદાર નોંધાયા હતા. ગઈકાલે એક લાખ 20 હજાર 601 પુરૂષ મતદાર અને 98 હજાર 633 મહિલા મતદાર સહિત કુલ 2 લાખ 19 હજાર 234 મતદારોએ મતદાન કર્યું હતું.
ઉલ્લેખનીય છે કે, આ બેઠક પર ભાજપના સ્વરૂપજી ઠાકોર, કૉંગ્રેસના ગુલાબસિંહ રાજપૂત અને અપક્ષ ઉમેદવાર માવજી પટેલ સહિત 10 ઉમેદવાર મેદાનમાં હતા.