પ્રસિધ્ધ યાત્રાધામ અંબાજી ખાતે આગામી 12મી સપ્ટેમ્બરે ભાદરવી પૂનમનો મેળો યોજાશે. આ મેળામાં લાખો ભક્તો મા અંબાના ચરણમાં શિશ ઝુકાવવા પહોંચે છે, ત્યારે આરાસુરી અંબાજી માતા દેવસ્થાન ટ્રસ્ટના ચેરમેન અને જિલ્લા કલેકટર મિહિર પટેલે પત્રકાર પરિષદ યોજી હતી.. તેમણે કહ્યું હતું કે, માઇ ભક્તો સરળતાથી અંબાજી પહોંચે અને માતાજીના દર્શન કરી શકે તે માટેની તમામ વ્યવસ્થા તંત્ર દ્વારા કરવામાં આવી છે.મેળા માટે દર્શન, ભોજન, વિસામો, પાર્કિંગ સહિત ની સુવિધાઓ માટે ૨૬ સમિતિઓ બનાવાઈ છે જ્યારે 2 હજાર 516 સંઘોની નોંધણી કરવામાં આવી છે. આ ઉપરાંત બ્રોસર અને ક્યુ આર કોડ દ્વારા મેળાની સંપૂર્ણ વિગતોની પણ જાણકારી મળી રહે તે માટેની તંત્ર દ્વારા વ્યવસ્થા કરવામાં આવી છે.