પ્રધાનમંત્રી નરેન્દ્ર મોદી આજે લાઓ પીપલ્સ ડેમોક્રેટિક રિપબ્લિકની રાજધાની વિયનચનમાં 19માં પૂર્વ એશિયા શિખર સંમેલનમાં ભાગ લેશે.
વિશ્વના ટોચના નેતાઓના વડપણમાં આ સંમેલન પ્રાદેશિક રાજદ્વારી સંબંધોને મજબૂત બનાવવા માટે તેમજ ભાગ લેનારા દેશના પ્રાદેશિક મુદ્દાઓ વિશે ચર્ચા – વિચારણા માટેની તક પૂરી પાડે છે.
પૂર્વ એશિયા શિખર સંમેલનમાં દસ આશિયાન દેશો ઉપરાંત 8 ભાગીદાર દેશ-ઓસ્ટ્રેલિયા, ચીન, ભારત, જાપાન, દક્ષિણ કોરિયા, ન્યૂઝીલેન્ડ, રશિયા અને અમેરિકા સામેલ છે. તિમોર–લેસ્તે પણ આ સંમેલનમાં નિરીક્ષક દેશ તરીકે સામેલ થશે.
પ્રધાનમંત્રી નરેન્દ્ર મોદી આજે વૈશ્વિક નેતાઓ સાથે દ્વીપક્ષીય બેઠકો કરે તેવી શક્યતા છે. શ્રી મોદીએ ગઈકાલે વિયનચનમાં 21માં આસિયન -ભારત શિખર સંમેલનમાં સંબોધન કર્યું હતું. લાઓ, આસિયાનનો વર્તમાન અધ્યક્ષ દેશ છે.