પ્રખ્યાત મલયાલમ લેખક અને ફિલ્મનિર્માતા એમ.ટી. વાસુદેવન નાયરનું ગઈકાલે રાત્રે 91 વર્ષની વયે અવસાન થયું છે. રાષ્ટ્રપતિ દ્રૌપદી મુર્મૂ, ઉપરાષ્ટ્રપતિ જગદીપ ધનખડ, પ્રધાનમંત્રી નરેન્દ્ર મોદી સહિતના મહાનુભાવોએ તેમના અવસાન અંગે દુઃખ વ્યક્ત કર્યું છે. રાષ્ટ્રપતિએ એક સોશિયલ મીડિયાને સંદેશમાં લખ્યું કે, એમ. ટી. વાસુદેવન નાયરના લખાણમાં ગ્રામીણ ભારતનું આબેહૂબ નિરૂપણ જોવા મળતું હતું. શ્રી નાયરને અનેક પ્રતિષ્ઠિત સાહિત્યિક પુરસ્કારોથી સન્માનિત કરાયા હતા અને તેમણે ફિલ્મોમાં પણ મહત્વપૂર્ણ યોગદાન આપ્યું હતું.
સોશિયલ મીડિયા સંદેશમાં, શ્રી ધનખડે જણાવ્યું કે તેમની કૃતિઓ જોવા મળતું ગ્રામીણ ભારતનું આબેહૂબ નિરૂપણ દેશના સાહિત્યિક અને સિનેમેટિક વારસાને સમૃદ્ધ બનાવે છે.
પ્રધાનમંત્રીએ સોશિયલ મીડિયા પર એક સંદેશમાં લખ્યું કે, એમ. ટી. વાસુદેવન નાયર મલયાલમ સિનેમા અને સાહિત્યના સૌથી વધુ સન્માનનીય વ્યક્તિ હતા. તેમની કૃતિઓમાં માનવીય ભાવનોઓનું સશક્ત નિરૂપણ જોવા મળતું. તેમના લખાણે પેઢીઓને અસર કરી છે અને આગળ પણ કરતી રહેશે.