પેરિસમાં આગામી 28મી ઓગસ્ટથી 8મી સપ્ટેમ્બર સુધી પેરાલિમ્પિક્સ રમત યોજાશે, જેના ઉદ્ઘાટન સમારોહમાં ટોક્યો પેરાલિમ્પિક્સના સુવર્ણ ચંદ્રક વિજેતા સુમિત એન્ટિલ અને શોટ-પુટ સ્ટાર ભાગ્યશ્રી જાધવ ભારતીય દળના ધ્વજારોહક રહશે. આ વર્ષે 84 ખેલાડીનું સૌથી મોટું દળ પેરિસ પેરાલિમ્પિક્સમાં ભારતનું પ્રતિનિધિત્વ કરશે.
ઉલ્લેખનીય છે કે, આ વર્ષના ભારતના ધ્વજારોહક સુમિત પુરુષોની ભાલા ફેંક સ્પર્ધામાં F-64 શ્રેણીમાં પેરાલિમ્પિક્સ ચેમ્પિયન છે. તો ભાગ્યશ્રીએ 2022ની એશિયન પેરાગેમ્સમાં શોટ પુટ F-34 શ્રેણીમાં રજત ચંદ્રક જીત્યો હતો અને ટોક્યો પેરાલિમ્પિક્સમાં સાતમું સ્થાન મેળવ્યું હતું. ભાગ્યશ્રીએ આ વર્ષે મે મહિનામાં યોજાયેલા પેરા-એથ્લેટિક્સ વર્લ્ડ ચેમ્પિયનશિપમાં મહિલા શોટ પુટ F-34માં પણ રજત ચંદ્રક જીત્યો હતો.