પૂર્વ ક્યુબામાં ગઇરાત્રે 6.8ની તીવ્રતાના ભૂકંપના આંચકાઓ અનુભવાયા હોવાના અહેવાલ છે, જેના કારણે સેન્ટિયાગો ડી ક્યુબા અને આસપાસના વિસ્તારોમાં વ્યાપક નુકસાન થયું હતું.
સોશિયલ મીડિયાના માધ્યમથી ક્યુબાના રાષ્ટ્રપ્રમુખ મિગુએલ ડિયાઝ-કેનલે ભૂસ્ખલનના કારણે ક્ષતિગ્રસ્ત થયેલા ઘર અને વીજ પુરવઠો ખોરવાયા અંગે માહિતી આપી હતી. રાહત અને બચાવકાર્યને તેઓ પ્રાથમિકતા આપી રહ્યા હોવાનું તેમણે કહ્યું હતું.