પ્રધાનમંત્રી નરેન્દ્ર મોદીના કાર્યક્રમને અનુલક્ષી મુખ્યમંત્રી ભૂપેન્દ્ર પટેલે અમદાવાદના જી.એમ.ડી.સી. મેદાનની મુલાકાત લઇ સ્થળ નિરીક્ષણ કર્યું હતું
આગામી તારીખ ૧૬ સપ્ટેમ્બરના રોજ પ્રધાનમંત્રી નરેન્દ્ર મોદીના હસ્તે અમદાવાદના જી.એમ.ડી.સી. મેદાન ખાતેથી કરોડો રૂપિયાનાં પ્રજાલક્ષી વિકાસ કામોનું લોકાર્પણ અને ખાતમુહૂર્ત થનાર છે, ત્યારે મુખ્યમંત્રી ભૂપેન્દ્ર પટેલે શનિવારે સાંજે કાર્યક્રમ સ્થળનું નિરીક્ષણ કર્યું હતું. મુખ્યમંત્રીએ રાજ્યના વહીવટી તંત્ર દ્વારા ઉક્ત કાર્યક્રમને અનુલક્ષીને કરવામાં આવેલી તૈયારીઓની સમીક્ષા કરી હતી, તેમજ તેમને આવશ્યક માર્ગદર્શક સૂચનો પણ કર્યાં હતાં.
આ તકે સ્થાનિક ધારાસભ્યો, રાજ્યના મુખ્ય સચિવ રાજકુમાર, મુખ્યમંત્રીના અધિક મુખ્યસચિવ પંકજ જોશી, અધિક મુખ્ય સચિવ એમ.કે. દાસ, શહેરી વિકાસ વિભાગના અગ્રસચિવ અશ્વિનીકુમાર, અમ્યુકો કમિશનર થેન્નારસન, જીયુડીસીના એમડી રાજકુમાર બેનિવાલ, અમદાવાદ કલેક્ટર પ્રવીણા ડી.કે., અમદાવાદ શહેર પોલીસ કમિશનર જી.એસ. મલિક સહિત ઉચ્ચ અધિકારીઓ ઉપસ્થિત રહ્યા હતા.