પાકિસ્તાનમાં બલુચિસ્તાનના હરનાઈમાં થયેલા બોમ્બ વિસ્ફોટમાં 11 કામદારોના મોત થયા અને સાત અન્ય ગંભીર રીતે ઇજાગ્રસ્ત થયા હતા. આ વિસ્તારને ઘેરી લેવામાં આવ્યો છે અને ઇજાગ્રસ્તોને તાત્કાલિક હોસ્પિટલમાં ખસેડવામાં આવ્યા છે. આ વિસ્તારમાં અગાઉ પણ બોમ્બ વિસ્ફોટની ઘણી ઘટનાઓ બની છે. આ હુમલાની જવાબદારી કોઈ આતંકવાદી જૂથે સ્વીકારી નથી. જોકે, બલુચિસ્તાનના અલગાવવાદી જૂથ, બલોચ લિબરેશન આર્મી, ભૂતકાળમાં આવા હુમલાઓને અંજામ આપવામાં સક્રિય રહ્યું છે. બલુચિસ્તાન પ્રાંતીય સરકારે આ હુમલાની નિંદા કરી છે અને ઘટનાની તાત્કાલિક તપાસના આદેશ આપ્યા છે.