પાકિસ્તાનના બલૂચિસ્તાન પ્રાંતમાં હિંસાની વિવિધ ઘટનાઓમાં 70 થી વધુ લોકોનો મોત નિપજ્યાં છે. મીડિયાના અહેવાલ અનુસાર, લાસબેલા જિલ્લાના બેલા શહેરમાં મુખ્ય હાઇવે પર વાહનો પર કરવામાં આવેલા હુમલામાં 14 સૈનિકો અને પોલીસ કર્મચારીઓ સહિત 21 આતંકવાદીઓ માર્યા ગયા હતા.
અન્ય એક ઘટનામાં, હથિયારબંધ માણસોએ મુસાખેલ જિલ્લામાં આંતર-પ્રાંતીય ધોરીમાર્ગ પરથી પસાર થતી ટ્રક અને બસમાંથી મુસાફરોને નીચે ઉતારી તેમની ઓળખ તપાસી અને પછી તેમના પર ગોળીબાર કર્યો હતો જેમાં 23 લોકો માર્યા ગયા છે. કલાતમાં, પોલીસ ચોકી અને હાઇવે પર થયેલા હુમલામાં પાંચ પોલીસ કર્મચારીઓ સહિત દસ લોકો માર્યા ગયા હોવાના અહેવાલ છે. ગઈકાલે બોલાન શહેરમાં રેલ પુલ પર થયેલા વિસ્ફોટોને પગલે ક્વેટા તરફનો રેલ વ્યવહાર પણ સ્થગિત કરવામાં આવ્યો હતો.
રેલ્વેબ્રિજ પર હુમલાની જગ્યા નજીકથી પોલીસને છ અજાણ્યા મૃતદેહો મળી આવ્યા છે. છેલ્લા કેટલાક અઠવાડિયાથી આ ક્ષેત્રમાં મોટા પાયે વિરોધ પ્રદર્શનો થઈ રહ્યા છે.