પંચાયતી રાજ મંત્રાલય દ્વારા આવતીકાલે નવી દિલ્હીમાં એક દિવસીય નાણા પંચ સભાનું આયોજન કરાયું છે. ‘વિકાસ તરફ પ્રયાણ’ વિષયવસ્તુ પર આધારિત આ સભાની અધ્યક્ષતા 16માં નાણાપંચના અધ્યક્ષ ડૉ. અરવિંદ પાનાગરિયા કરશે.
સભા દરમિયાન ગ્રામ્ય સ્તરે સ્થાનિક સંસ્થાઓમાં ભંડોળની અસરકારક ફાળવણીમાં રાજ્ય નાણાપંચની ભૂમિકા અંગે ચર્ચા કરાશે. આ ઉપરાંત તે ક્ષેત્ર સાથે જોડાયેલા મુખ્ય હિતધારકોને એક મંચ પર લાવશે. સભામાં 16માં નાણાપંચના સભ્યો, પંચાયતી રાજ મંત્રાલય, નાણામંત્રાલય તેમજ આવાસ અને શહેરી બાબતોના મંત્રાલયના વરિષ્ઠ અધિકારીઓ પણ ભાગ લેશે.