ન્યાયમૂર્તિ બી.આર ગવઈના નેતૃત્વમાં સર્વોચ્ચ અદાલતના ન્યાયાધીશોનું પાંચ સભ્યોનું પ્રતિનિધિમંડળ આજે સવારે ઇમ્ફાલ પહોંચ્યું હતું. ત્યારબાદ પ્રતિનિધિમંડળના ત્રણ ન્યાયાધીશો – ન્યાયમૂર્તિ ગવઈ, ન્યાયમૂર્તિ વિક્રમ નાથ અને ન્યાયમૂર્તિ એમએમ સુંદરેશે – ચુરાચાંદપુરની મુલાકાત લીધી અને ત્યાં કાનૂની સેવા શિબિર, આરોગ્ય શિબિર, કાનૂની સહાય ક્લિનિકના ઉદ્ઘાટન કાર્યક્રમમાં ભાગ લીધો હતો. તેમણે રાહત શિબિરમાં આશ્રય લઈ રહેલા વિસ્થાપિતો – IDPs ને રાહત સામગ્રીનું વિતરણ કર્યું.
ન્યાયાધીશોની ટીમે નોંધણી ઝુંબેશમાં પણ ભાગ લીધો હતો, જેમાં વિવિધ યોજનાઓના લાભાર્થીઓ તરીકે લાયક વિસ્થાપિતો – IDPs ની નોંધણી કરવામાં આવી હતી. ઇમ્ફાલ પરત ફરતી વખતે, પ્રતિનિધિમંડળ બિષ્ણુપુર જિલ્લામાં રાહત શિબિરોની મુલાકાત લીધી અને વિસ્થાપિતો – IDPs ની ફરિયાદો સાંભળી હતી. ન્યાયાધીશોનું પ્રતિનિધિમંડળ આવતીકાલે ઇમ્ફાલમાં મણિપુર હાઇકોર્ટમાં યોજાનાર કાર્યક્રમમાં હાજરી આપશે.