દિલ્હી વિધાનસભા ચૂંટણી માટે પ્રચાર પૂરજોશમાં ચાલી રહ્યો છે. ભાજપ, આમ આદમી પાર્ટી અને કોંગ્રેસના અગ્રણી નેતાઓ રોડ શો, ડોર-ટુ-ડોર પ્રચાર અને જાહેર સભાઓ કરીને મતદારોને તેમના ઉમેદવારોની તરફેણમાં આકર્ષવાનો પ્રયાસ કરી રહ્યા છે.
ઉત્તર પ્રદેશના મુખ્યમંત્રી યોગી આદિત્યનાથે આજે કિરારી વિસ્તારમાં એક જાહેર સભા યોજી હતી અને રાષ્ટ્રીય રાજધાનીમાં રસ્તાઓની કથિત ખરાબ સ્થિતિ અને સ્વચ્છતાના મુદ્દા માટે શાસક આમ આદમી પાર્ટી પર પ્રહારો કર્યા હતા. મુખ્યમંત્રીએ યમુના નદીની સ્વચ્છતાના અભાવ માટે AAP પર પણ પ્રહારો કર્યા. તેમણે AAP કન્વીનર અરવિંદ કેજરીવાલ પર તેમના માર્ગદર્શક અણ્ણા હજારે સાથે દગો કરવાનો પણ આરોપ લગાવ્યો હતો,,
ભાજપ પ્રમુખ જે પી નડ્ડા પણ શહેરના વિવિધ ભાગોમાં પાર્ટી ઉમેદવારોના પક્ષમાં રેલીઓને સંબોધિત કરવાના છે. ઉત્તરાખંડના સીએમ પુષ્કર સિંહ ધામીએ પણ પાલમ વિસ્તારમાં રોડ શો કર્યો હતો.
આ દરમિયાન, આમ આદમી પાર્ટીના કન્વીનર અરવિંદ કેજરીવાલ પણ શહેરમાં ત્રણ રેલીઓને સંબોધિત કરશે. AAPના વરિષ્ઠ નેતા અને પંજાબના મુખ્યમંત્રી ભગવંત માનએ પણ પાલમ વિસ્તારમાં રોડ શો કર્યો હતો. શ્રી માનએ દાવો કર્યો હતો કે તેમનો પક્ષ કામના રાજકારણમાં માને છે. તેમણે વિશ્વાસ વ્યક્ત કર્યો કે વિધાનસભા ચૂંટણીમાં AAP ફરીથી ચૂંટણી જીતશે. પાર્ટીના વરિષ્ઠ નેતા પવન ખેરા, દિલ્હી કોંગ્રેસ પ્રમુખ દેવેન્દ્ર યાદવ અને અન્ય અગ્રણી નેતાઓએ આજે દિલ્હી ચૂંટણી માટે પાર્ટીનું થીમ સોંગ લોન્ચ કર્યું. નવી દિલ્હીમાં મીડિયાને સંબોધતા, શ્રી ખેરાએ શહેરમાં કથિત દારૂ કૌભાંડ માટે આમ આદમી પાર્ટી પર નિશાન સાધ્યું હતું.