તહેવારોને પગલે પશ્ચિમ રેલવે દ્વારા 7 વિશેષ ટ્રેન શરૂ ચલાવવામાં આવશે. દિવાળીથી શરૂ કરીને છઠ પૂજા સુધી આ ટ્રેનો ચલાવવામાં આવશે. જેમાં સાબરમતી લખનઉ સ્પેશિયલ, અમદાવાદ – દાનાપુર સ્પેશિયલ, અમદાવાદ બનારસ સ્પેશિયલ, અમદાવાદ – જયનગર સ્પેશિયલ, રાજકોટ – ગોરખપુર સ્પેશિયલ સહિતની ટ્રેનોનો સમાવેશ થાય છે.
દરમિયાન ભાવનગરથી ઉધના સ્પેશિયલ ટ્રેન શરૂ કરાઈ છે. ટ્રેન નંબર 09021 એ 28 ઑક્ટોબરથી 30 ડીસેમ્બર દરમિયાન ઉધનાથી ભાવનગર વચ્ચે ચલાવવામાં આવશે. આ ટ્રેન કુલ 10 ફેરા કરશે. 25 ઑક્ટોબરથી તેનું બૂકિંગ કરી શકાશે.