ભારતની તન્વી પાત્રીએ બેડમિંગ્ટનમાં આજે ચીનમાં ભારતનો ડંકો વગાડ્યો હતો. ચેંગડુ ખાતે એશિયા અંડર-17 અને અંડર-15 જુનિયર ચેમ્પિયનશિપમાં અંડર-15 ગર્લ સિંગલ્સનું ટાઇટલ તન્વીએ જીત્યું હતું.

તન્વીએ ફાઈનલ મેચમાં બીજા ક્રમાંકિત વિયેતનામની ન્ગુયેન થી થુ હ્યુજેનને પરાજય આપ્યો હતો. 13 વર્ષીય શટલરે એક પણ ગેમ ગુમાવ્યા વિના ટાઈટલ જીત્યું હતુ. આ પહેલા સેમિફાઈનલમાં તન્વીએ થાઈલેન્ડની છઠ્ઠી ક્રમાંકિત કુંગકાઈવ કાકાનિકને 21-19, 21-10ના સ્કોરથી હાર આપી હતી. અંડર-17 બોયઝ સિંગલ્સમાં જ્ઞાન દત્તુ ટીટી ઇન્ડોનેશિયાના રાદિથ્યા બાયુ વર્ધના સામે 9-21, 21-13, 21-13થી હારી ગયો અને તે બ્રોન્ઝ મેડલ સાથે ઘરે પરત ફરશે.