ટેબલ ટેનિસમાં ભારતીય ખેલાડી મનિકા બત્રાએ ઈતિહાસ રચ્યો છે. તેઓ વિશ્વ ટેબલ ટેનિસ ચેમ્પિયન સ્પર્ધાની ક્વાર્ટર ફાઇનલમાં ક્વોલિફાય થનારાં પ્રથમ ભારતીય ખેલાડી બન્યાં છે. તેમણે ગઈકાલે ફ્રાન્સના મોન્ટપેલિયરમાં 16માં રાઉન્ડમાં રોમાનિયાના બર્નાડેટ ઝોક્સને 3-1થી પરાજય આપ્યો હતો. આજે તેમનો મુકાબલો ચીનની ક્વિઆન તિઆની સામે થશે.
મનિકા બત્રાએ પેરિસ ઓલિમ્પિક 2024માં રોમને 3-2ના સ્કોરથી હરાવ્યું હતું. ઓલિમ્પિકમાં સિંગલ્સ ટેબલ ટેનિસ સ્પર્ધાના છેલ્લા 16માં પહોંચનારાં તે ભારતની પ્રથમ ટેબલ ટેનિસ ખેલાડી બન્યાં હતાં.