ટેનિસમાં, ભારતના દિવિજ શરણ અને તેમના ઇઝરાયેલના ભાગીદાર ડેનિયલ કુકીરમેન ફિનલેન્ડના હેલસિંકીમાં રમાઇ રહેલી HPP ઓપનમાં પુરુષોની ડબલ્સ ક્વાર્ટર ફાઇનલમાં પ્રવેશ્યા છે. શરણ અને કુકીરમેને ગઈ કાલે રાત્રે પ્રી-ક્વાર્ટર ફાઇનલમાં ચેકિયાના માતેજ વોસેલ અને ડેનમાર્કના જોહાન્સ ઈંગિલ્ડસેનની જોડીને 7-6, 7-5થી હરાવી હતી.
ભારત-ઈઝરાયેલની જોડી આજે રાત્રે ક્વાર્ટર ફાઇનલમાં ઇટલીના માર્કો બોર્ટોલોટી અને ફિનલેન્ડના પેટ્રિક નિક્લાસ સાલ્મિનેનની ચોથી ક્રમાંકિત જોડી સામે ટકરાશે. મેચ ભારતીય સમય અનુસાર રાત્રે 10 વાગીને 20 મિનિટે શરૂ થશે.