જુનાગઢમાં માંગરોળ પાસેના દરિયામાં ચાર જવાન સાથે બચાવ કામગીરી કરવા ગયેલા તટરક્ષક દળનું હેલિકૉપ્ટર દરિયામાં તૂટી પડ્યું હતું.પોરબંદર જિલ્લાના અમારા પ્રતિનિધિ મહેશ લુક્કા જણાવે છે કે, આ દુર્ઘટનામાં 2 જવાન શહીદ થયાના અને એક જવાન ગુમ થયાના અહેવાલ છે. પોરબંદરથી 45 કિલોમીટર દૂર માંગરોળના દરિયામાં સોમવારે રાત્રે 11 વાગ્યાની આસપાસ હરિલીલા નામની બોટમાં ગંભીર રીતે ઇજાગ્રસ્ત ખલાસીને બચાવવા ગયેલું તટરક્ષદ કળનું ANH હેલિકૉપ્ટર ગયું હતું.દરમિયાન હેલિકૉપ્ટર તૂટી પડતાં તેમાં સવાર તટરક્ષક દળના 2 જવાન શહીદ થયા હતા. જોકે, તટરક્ષક દળના એક જવાનને બચાવી લેવાયા હતા. જ્યારે ગુમથયેલા એક જવાનની શોધખોળ ચાલી રહી છે. હવે આ દુર્ઘટના મામલે તટરક્ષક દળ ઘનિષ્ઠ તપાસ હાથ ધરશે.