પરમાણુ શસ્ત્ર મુક્ત વિશ્વનું લક્ષ્ય હાંસલ કરવા માટે સતત પ્રયાસ કરી રહેલાં જાપાનના નિહોન હિદાનક્યો સમૂહને આ વર્ષનો નોબલ શાંતિ પુરસ્કાર અપાશે. ઉલ્લેખનીય છે કે, વિશ્વ યુધ્ધ દરમિયાન જાપાનના હિરોશીમા અને નાગાસાકી શહેરમાં થયેલા પરમાણુ બોમ્બ વિસ્ફોટમાં બચી ગયેલા લોકોએ નિહોન હિદાનક્યો સમૂહની રચના કરી છે. આ સમૂહના પ્રતિનિધિઓ પરમાણુ શસ્ત્રોનો ફરી ઉપયોગ ન થાય તે માટે હંમેશા દેખાવો કરતાં હોય છે.