જપ, તપ, ઉત્સવના ત્રિવેણી સંગમ સમા પવિત્ર શ્રાવણ માસ પૂર્ણાહૂતિ તરફ છે ત્યારે આજે શ્રાવણ માસના છેલ્લાં સોમવાર સાથે સોમવતી અમાસનો સંયોગ રચાયો છે. સોમવતી અમાસના વિશેષ મહાત્મ્યને કારણે આજે વહેલી સવારથી જ શિવાલયોમાં ભક્તોનો પ્રવાહ ઉમટી રહ્યો છે. રાજ્યભરના શિવમંદિરોમાં આજે વિશેષ કાર્યક્રમોનું આયોજન કરાયું છે.
અમદાવાદના ચાર શિવાલયોમાં ભસ્મ આરતીનું આયોજન કરાયું તો પાલડી અને રખિયાલ ખાતેના મહાદેવ મંદિરે બરફનું શિવલિંગ બનાવાશે. અસારવા ખાતે આજે શ્રાવણી અમાસનો લોકમેળો યોજાશે.