છોટાઉદેપુર નગરપાલિકા ખાતે આજે સ્વર્ણિમ જયંતિ મુખ્યમંત્રી શહેરી વિકાસ યોજના અમૃતના બીજા તબક્કા અંતર્ગત અંદાજે ૩૧૭.૨૮ લાખ રૂપિયાના ખર્ચે વિવિધ વિકાસકામોનું લોકાર્પણ કરવામાં આવ્યું. લોકસભાના સાંસદ જશુભાઈ રાઠવા,તેમજ ધારાસભ્ય રાજેન્દ્રસિંહ રાઠવાની ઉપસ્થિતિમાં નગરના જુદા જુદા વિસ્તારમાં આર.સી.સી રોડ,પેવર બ્લોક,વરસાદી ચેનલ,નવી સ્ટ્રીટ લાઈટ,ગાર્ડન ડેવલોપમેન્ટ સહિતના અનેક વિકાસકામોનું ખાતમુહૂર્ત અને હાઈપ્રેશર મીની ફાયર ટેન્કર અને રેસ્ક્યુ બોટ તેમજ રેસ્ક્યુના વિવિધ સાધનોનું લોકાર્પણ કરવામાં આવ્યું.