બેડમિન્ટનમાં, ચાઈના માસ્ટર્સ 2024 સ્પર્ધામાં ભારતીય ખેલાડી લક્ષ્ય સેન મેન્સ સિંગલ્સની ક્વાર્ટર ફાઈનલમાં પહોંચ્યા છે. શ્રી સેને શેનઝેનમાં બીજા રાઉન્ડમાં ડેનમાર્કના રાસમસ ગેમકેને 21-16,21-18થી હરાવી આ સિદ્ધિ મેળવી છે. મેન્સ ડબલ્સમાં પણ ભારતીય જોડી ચિરાગ શેટ્ટી અને સાત્વિક સાઈરાજ રન્કીરેડ્ડી ડેનમાર્કના રાસમસ કેજર અને ફ્રેડરિક સોગાર્ડને 21-19,21-15થી હરાવીને ક્વાર્ટર ફાઇનલમાં પહોંચી હતી.ઉપરાંત ત્રિશા જોલી અને ગાયત્રી ગોપીચંદની ભારતીય જોડી આજે બપોરે વિમેન્સ ડબલ્સના બીજા રાઉન્ડમાં ચીનની લિયુ શેંગ અને ટેન નિંગની જોડી સામે 16-21, 11-21થી હારી ગઈ હતી. અગાઉ ટોચનાં ભારતીય ખેલાડી પી.વી. સિંધુ મહિલા સિંગલ્સની પ્રિ-ક્વાર્ટર ફાઇનલમાં સિંગાપુરનાં યેઓ જિયા મિન સામે 21-16, 17-21, 23-21થી હારી ગયાં હતાં.