ગુજરાતમાં આગામી ચા દિવસ દરમિયાન ભારે વરસાદ વરસે તેવી હવામાન વિભાગે આગાહી કરી છે.. આજના દિવસે દક્ષિણ ગુજરાતના વલસાડ અને દિવ, દમણ અને દાદરાનગર હવેલીમાં અતિભારે વરસાદનું અનુમાન કરીને હવામાન વિભાગે ઓરેન્જ એલર્ટ જાહેર કર્યું છે. જ્યારે સુરત, નવસારી, તાપી તેમજ ઉત્તર અને મધ્ય ગુજરાતમાં ભારે વરસાદની પણ આગાહી કરવામાં આવી છે.
જ્યારે આવતીકાલે વલસાડ, દમણ, દાદરાનગર હવેલીમાં ભારેથી અતિભારે વરસાદનું રેડ એલર્ટ જાહેર કર્યું છે. આ ઉપરાંત ડાંગ, નવસારી અને સૌરાષ્ટ્રમાં ભાવનગર જીલ્લામાં ઓરેન્જ એલર્ટ જાહેર કર્યું છે.જ્યારે રાજ્યના અન્ય વિસ્તારમાં ભારે વરસાદનું યલો એલર્ટ પણ અપાયું છે..
તેમજ દક્ષિણ ગુજરાતના સુરત, ડાંગ તાપી અને સૌરાષ્ટ્રના ભાવનગરમાં ભારેથી અતિભારે વરસાદની શક્યતા છે..જ્યારે રાજ્યના અન્ય સ્થળોએ પણ ભારે વરસાદનું યલો એલર્ટ જાહેર કરવામાં આવ્યું છે.
જ્યારે 28મી સપ્ટેમ્બરના રોજ રાજ્યમાં ભારે વરસાદની હવામાન વિભાગે શક્યતા દર્શાવી છે.