ગુજરાતની વાવ વિધાનસભા બેઠકની પેટા-ચૂંટણી માટેના પ્રચાર પડઘમ ગઈકાલે શાંત થઈ ગયા છે. ભારતીય જનતા પક્ષ અને કૉંગ્રેસના તમામ વરિષ્ઠ નેતાઓએ મતદારોને રિઝવવા માટે મહેનત કરી છે.
અમારા સંવાદદાતાએ જણાવ્યું કે, આ બેઠક પર કુલ 10 ઉમેદવાર ચૂંટણી લડી રહ્યાં છે, પરંતુ ભાજપના સ્વરૂપજી ઠાકોર, કૉંગ્રેસના ગુલાબસિંહ રાજપૂત અને અપક્ષ ઉમેદવાર માવજી પટેલ વચ્ચે ત્રિ-પાંખિયો જંગ છે. વાવ બેઠક માટે આવતીકાલે મતદાન થશે. જ્યારે 23 નવેમ્બરે મતગણતરી કરાશે.