ખો-ખો વિશ્વકપમાં, ભારતીય પુરુષ અને મહિલા બંને ટીમો સેમિફાઇનલમાં પહોંચી ગઈ છે.ભારતીય પુરુષ ટીમે ગઈકાલે ક્વાર્ટર ફાઇનલમાં શ્રીલંકાને 100-40થી હરાવ્યું. રામજી કશ્યપને મેન ઓફ ધ મેચ જાહેર કરવામાં આવ્યા જ્યારે વી. સુબ્રમણીને બેસ્ટ એટેકરનો એવોર્ડ એનાયત કરાયો.
ભારતીય મહિલા ટીમે ગઈકાલે ક્વાર્ટર ફાઇનલમાં બાંગ્લાદેશને 109-16થી હરાવ્યું હતું.ભારતીય મહિલા ટીમે ટુર્નામેન્ટમાં સતત ચોથી મેચમાં 100 પોઈન્ટનો આંકડો પાર કર્યો.અશ્વિની શિંદેને પ્લેયર ઓફ ધ મેચ જાહેર કરવામાં આવ્યા, જ્યારે રિતુ રાની સેનને બેસ્ટ એટેકરનો એવોર્ડ એનાયત કરાયો.ઉલ્લેખનીય છે કે,બંને ટીમોએ સમગ્ર ટુર્નામેન્ટ દરમિયાન શાનદાર પ્રદર્શન કર્યું છે અને તમામ મેચો જીતી છે.