ક્રિકેટમાં, ન્યુઝીલેન્ડ આજે સવારે પુણે ખાતે બીજી ટેસ્ટના ત્રીજા દિવસે ભારત સામે 5 વિકેટે 198 રનના ઓવરનાઈટ સ્કોરથી તેમનો બીજો દાવ ફરી શરૂ કરશે. ન્યૂઝીલેન્ડને અત્યાર સુધી 301 રનની લીડ મળી છે. પ્રથમ ઇનિંગમાં, ન્યૂઝીલેન્ડ 259 રનમાં ઓલઆઉટ થઈ ગયું હતું. આ મેચમાં વોશિંગ્ટન સુંદરે તેની પ્રથમ 5 વિકેટ જ્યારે રવિચંદ્રન અશ્વિને ત્રણ વિકેટ ઝડપી હતી. ગઈકાલે રમતના અંત સુધીમાં, ગ્લેન ફિલિપ્સ 9 રને અને ટોમ બ્લંડેલ 30 રને રમતમાં હતા. ગઈકાલે ભારતીય ટીમે પ્રથમ દાવમાં 156 રન બનાવ્યા હતા. ન્યુઝીલેન્ડ તરફથી મિશેલ સેન્ટનરે 7 વિકેટ ઝડપી હતી. ન્યૂઝીલેન્ડ ત્રણ ટેસ્ટ મેચની શ્રેણીમાં 1-0થી આગળ છે.