કેન્દ્રીય રેલવે મંત્રી અશ્વિની વૈષ્ણવે કહ્યું, “પ્રયાગરાજમાં મહાકુંભ માટે 16 હજારથી વધુ ટ્રૅન દોડાવવામાં આવી.” પ્રયાગરાજ જંક્શન પર સંવાદદાતાઓને સંબોધતાં વૈષ્ણવે કહ્યું, “પ્રયાગરાજથી અંદાજે 4 કરોડ 50 લાખ મુસાફરોએ ટ્રૅનના માધ્યમથી પ્રવાસ કર્યો.” તેમણે જણાવ્યું, “રેલવેએ કુંભમેળા માટે અઢી વર્ષથી કામ કર્યું છે અને 5 હજાર કરોડ રૂપિયાનું રોકાણ કર્યું છે.” વૈષ્ણવે ઉંમેર્યું, “મહાકુંભનું સફળ આયોજન રેલવે પોલીસ GRP, રેલવે સુરક્ષા દળ- RPF અને રેલવે સહિત વિવિધ એકમના સંયુક્ત પ્રયાસના કારણે શક્ય બન્યું છે.” (બાઈટઃ અશ્વિની વૈષ્ણવ, કેન્દ્રીય રેલવે મંત્રી)