કેન્દ્રીય ગૃહ મંત્રી અમિત શાહે આજે ગાંધીનગરમાં મહાત્મા મંદિરમાં દાંડી કુટિર ખાતે ટપાલ ટિકિટોના પ્રદર્શન “ફિલાવિસ્ટા 2024”નું ઉદ્ઘાટન કર્યું હતું.આ પ્રસંગે મુખ્યમંત્રી ભુપેન્દ્ર પટેલ પણ ઉપસ્થિત રહ્યા હતા. રાજ્યની બે દિવસની મુલાકાતે આવેલા શાહ આજે ગુજરાતમાં કેટલાંક મહત્વનાં કાર્યક્રમોમાં હાજરી આપશે.શાહ ગાંધીનગરના લવાડ સ્થિત રાષ્ટ્રીય રક્ષાશક્તિ યુનિવર્સિટીમાં 50મા અખિલ ભારતીય પૉલીસ વિજ્ઞાન અધિવેશનમાં ઉપસ્થિત રહેશે. આ પ્રસંગે મુખ્યમંત્રી ભુપેન્દ્ર પટેલ પણ ઉપસ્થિત રહેશે.બપોર બાદ તેઓ હિમ્મતનગરમાં આવેલી સાબર ડેરીના 800 મેટ્રિક ટનની ક્ષમતા ધરાવતા પશુ આહાર એકમનું ઉદ્ઘાટન કરશે. સાંજે શાહ અમદાવાદના શેલા વિસ્તારમાં નવીનીકરણ કરાયેલા શેલા ગામ તળાવનું લોકાર્પણ કરશે.