કેન્દ્રીય ગૃહમંત્રી અમિત શાહ આજથી બે દિવસ રાજ્યની મુલાકાતે આવશે. શ્રી શાહ આવતીકાલે રાષ્ટ્રીય રક્ષા શક્તિ યુનિવર્સિટી ખાતે યોજાનાર અખિલ ભારતીય પોલીસ સાયન્સ કોંગ્રેસના કાર્યક્રમમાં હાજરી આપશે.
આ ઉપરાંત તેઓ આવતીકાલે સાણંદ તાલુકાના શેલા ગામે સરોવરના સૌંદર્યકરણ અને સાર્વજનિક ઉદ્યાનનું નામાભિધાન કરશે. આ સરોવર અને ઉદ્યાનનું પદ્મભૂષણ શ્રી રજનીકાંત શ્રોફ સરોવર અને ઉદ્યાન નામ અપાશે.
ગાંધીનગરના સંસદીય મતવિસ્તાર એવા ઘાટલોડિયા ખાતે શ્રી શાહ આજે નવા વર્ષ નિમિત્તે સ્નેહ મિલન કાર્યક્રમમાં ઉપસ્થિત રહેશે.. આજે સાંજે સાત વાગે અમદાવાદના ઓગણજ પાસેના એક ફાર્મ ખાતે આ સ્નેહ મિલન કાર્યક્રમ યોજવામાં આવ્યો છે.. જેમાં મુખ્યમંત્રી ભૂપેન્દ્ર પટેલ પણ ઉપસ્થિતિ રહેશે.