કચ્છ પૂર્વ વન વિભાગની રેન્જ હેઠળના કચ્છ રણ વન્યપ્રાણી અભ્યારણ્યમાં અન અધિકૃત પ્રવેશ કરી મીઠાના પાળા બનાવતા પાંચ વ્યક્તિઓ પાસેથી મશીનો સહિત કુલ એક કરોડ 25 લાખ રૂપિયાનો મુદ્દામાલ પૂર્વ કચ્છ વન વિભાગ દ્વારા જપ્ત કરાયો છે.
પૂર્વ કચ્છ વન વિભાગ રેન્જ અધિકારીની એક યાદીમાં જણાવ્યા અનુસાર વિભાગની પેટ્રોલિંગ ટીમ દ્વારા કચ્છ રણ વન્યપ્રાણી અભ્યારણ્યના સાધારાવાંઢ વિસ્તારમાં અન અધિકૃત પ્રવેશ કરી મીઠાના પાળા બનાવતા પાંચ વ્યક્તિઓની અટકાયત કરી તેમની પાસે થી પાળા બનાવવાના પાંચ મશીનો સહિતની સામગ્રી કુલ એક કરોડ 25 લાખનો મુદ્દામાલ જપ્ત કરી, અટકાયત કરાયેલ વ્યક્તિઓની સામે ગુનો નોંધી કાર્યવાહી હાથ ધારેલ છે.