સરકારી કચેરીઓમાં પેપરલેસ કામગીરી માટેનાં “ઇ-સરકાર” પ્રોજેક્ટમાં વર્ષ ૨૦૨૧ થી ૨૦૨૪ સુધી તૈયાક કરવામાં આવેલી ઇ-ટપાલની અંદાજિત સંખ્યા એક કરોડથી વધારે નોંધાઈ છે. આ ઉપરાંત અંદાજે ૩૧ લાખથી વધુ ઈ-ફાઈલ ક્રિએટ કરવામાં આવી છે. આ કામગીરીને સુવ્યવસ્થિત બનાવવા એક લાખ 20 હજારથી વધુ વપરાશકર્તાઓની નોંધણી કરવામાં આવી છે.
રાજ્યમાં હાલ “સુશાસન સપ્તાહ”ની ઉજવણી કરવામાં આવી રહી છે. ઇ-સરકાર પ્લેટફોર્મમાં રાજ્યના તમામ ૨૬ સરકારી વિભાગો, ખાતાની વડી કચેરીઓ, કલેક્ટર કચેરીઓ, જિલ્લા વિકાસ અધિકારીની કચેરીઓ, મ્યુનિસિપલ કચેરીઓ તથા જિલ્લા અને તાલુકાસ્તરે વહીવટી કચેરીઓનો સમાવેશ થાય છે.