ઇન્ડિયન પ્રીમિયર લીગ – IPL 2025 માટેની હરાજી આ મહિનાની 24 અને 25 તારીખના રોજ સાઉદી અરબના જેદ્દાહમાં થશે. બીસીસીઆઈએ ગઈકાલે આ જાહેરાત કરી હતી. આ સતત બીજી વાર છે જ્યારે હરાજી વિદેશમાં કરવામાં આવી રહી છે.
1 હજાર, 165 ભારતીય અને 409 વિદેશી ખેલાડીઓ સહિત કુલ 1 હજાર, 574 ક્રિકેટ ખેલાડીઓએ હરાજી માટે સહમતી દર્શાવી છે. દરેક ફ્રેન્ચાઇઝી રિટેન કરેલા ખેલાડીઓ સહિત વધુમાં વધુ 25 ખેલાડીઓની ટીમ બનાવી શકે છે, જેમાં કુલ 204 સ્લૉટ હરાજી માટે ઉપલબ્ધ રહેશે. આ સ્લૉટ ભરવા માટે 10 ફ્રેન્ચાઇઝી પાસે કુલ મળીને અંદાજે 641 કરોડ, 50 લાખ રૂપિયા હોવાનું અનુમાન છે.