ઇઝરાયેલે યમનમાં હૂતિઓના અનેક સ્થળ પર એક પછી એક હવાઈ હુમલો કરીને પશ્ચિમ એશિયામા ચાલતા સંઘર્ષમાં નવો મોરચો માંડ્યો છે. ઇઝરાયેલી સેનાએ આ હુમલાની પુષ્ટિ કરતા જણાવ્યું હતું કે, ‘તાજેતરના દિવસોમાં ઇરાન સમર્થક હૂતિ ઉગ્રવાદીઓના મિસાઈલ હુમલાના જવાબમાં આ કાર્યવાહી કરવામાં આવી છે. હૂતિ ઉગ્રવાદીઓએ ગત 2 દિવસમાં ઇઝરાયેલ પર મિસાઈલ હુમલા કર્યા છે.’
ઇઝરાયેલી સલામતી દળોએ એ વાત પર ભાર આપ્યો કે, તેઓ પોતાના નાગરિકો સામેના દરેક પ્રકારના જોખમને પહોંચી વળવાની કાર્યવાહી કરવા પ્રતિબદ્ધ છે. ઇઝરાયેલે હૂતિઓ પર પ્રાદેશિક સ્થિરતાને અવગણવાનો આરોપ લગાવ્યો છે.