આવતીકાલે છઠ્ઠ પુજા માટે રાજ્યભરમાં વિવિધ આયોજનો કરાયા છે. અમદાવાદ શહેરમાં 2 લાખથી વધુ ઉત્તર ભારતીયો છઠ્ઠની પુજા કરશે.
આ માટે શહેરના વિવિધ વિસ્તારોના છઠ્ઠ પુજાના આયોજનો કરાયા છે. રિવરફ્રન્ટ ખાતે 25 હજારથી વધુ લોકો સૂર્યનારાયણને અર્ધ્ય આપી પુજા કરશે. આ પ્રસંગે મુખ્યમંત્રી ભુપેન્દ્ર પટેલ, ધારાસભ્યો, સાંસદો, મેયર સહિતના મહાનુભાવો ઉપસ્થિત રહેશે.
અમદાવાદ મહાનગરપાલિકા દ્વારા આ પર્વના આયોજન માટે ઘાટની સાફ સફાઇ, શ્રદ્ધાળુઓને રહેવા અને જમવાની વ્યવસ્થા પણ કરવામાં આવી છે. ગુરૂવારે સાંજે ચાર વાગ્યાથી આ પૂજાનો પ્રારંભ થશે, જે બીજા દિવસે વહેલી સવારે આઠ વાગ્યા સુધી ચાલશે.