અમેરિકાએ ઈરાનને મધ્ય પૂર્વમાં  બોમ્બર તૈનાત કરવાની ચેતવણી આપી છે.મધ્ય પૂર્વમાં ઈરાન અને ઈઝરાયલ વચ્ચે વધી રહેલા તણાવને કારણે, અમેરિકાએ હવે આ ક્ષેત્રમાં બોમ્બર એરક્રાફ્ટ, યુદ્ધ વિમાન અને નેવલ એરક્રાફ્ટ મોકલવાનો આદેશ આપ્યો છે. આ માહિતી પેન્ટાગોન પ્રેસ સેક્રેટરી મેજર જનરલ પેટ રાઈડરે એક્સ હેન્ડલ પર જારી કરી હતી.

પેન્ટાગોન પ્રેસ સેક્રેટરી રાઈડરે જણાવ્યું હતું કે, અમેરિકાએ બી-52 બોમ્બર, ફાઇટર પ્લેનની એક સ્ક્વોડ્રન, ટેન્કર એરક્રાફ્ટ અને નેવી ડિસ્ટ્રોયર તૈનાત કરવાનો આદેશ આપ્યો છે. આ પ્લેન ટૂંક સમયમાં અહીંથી રવાના થશે. યુએસએસ અબ્રાહમ લિંકન એરક્રાફ્ટ કેરિયર અને તેના સ્ટ્રાઈક જૂથમાં ત્રણ વિનાશક ટૂંક સમયમાં સાન ડિએગો બંદર પર પહોંચશે.