કેરળના પલક્કડમાં મલમપુઝા બંધ નજીક તાજેતરમાં હાથ ધરવામાં આવેલા પુરાતત્વીય ખોદકામ દરમિયાન મોટી સંખ્યામાં મેગાલિથિક માળખાં મળી આવ્યા છે.
એક સોશિયલ મીડિયા સંદેશમાં, ભારતીય પુરાતત્વ સર્વેક્ષણ (ASI) એ પથ્થરની રચનાઓની તસવીરો શેર કરી અને કહ્યું, આ વિસ્તારનું સર્વેક્ષણ કરનારી ટીમને 45 હેક્ટર જમીનમાં ફેલાયેલા 110 થી વધુ મેગાલિથિક મળ્યા. સંગઠને જણાવ્યું કે, આ માળખાં મુખ્યત્વે વિશાળ ગ્રેનાઈટ સ્લેબ અને પથ્થરોથી બનાવવામાં આવ્યા છે, કેટલાકમાં લેટેરાઈટ પથ્થરોનો પણ સમાવેશ થાય છે.
ASI એ મેગાલિથ્સની છબીઓ શેર કરતી વખતે લખ્યું કે, ક્લસ્ટરોમાં આટલી મોટી સંખ્યામાં મેગાલિથિક દફનવિધિ મળવાથી કેરળમાં પ્રારંભિક લોહ યુગના સમાજ અને માન્યતા પ્રણાલી વિશે વધુ સમજ મળશે તેવી અપેક્ષા છે.