राष्ट्रपति रामनाथ कोविंद होरें सैन्य बलें दे जवानें लेई नौ शौर्य चक्र समेत 84 वीरता पुरस्कारें दी स्वीकृति दिती ऐ। जम्मू कश्मीर पुलिस दे हेड कांस्टेबल अब्दुल राशिद गी मरणोपरांत कीर्ती चक्र दिता गेया ऐ।

जम्मू कश्मीर च आतंकवाद रोधी अभियानें च शामल सेना दे जिने जोआनें गी शौर्य चक्र दिता गेया ऐ उंदे च लेफ्टनिेंट कर्नल कृशण सिंह रावत, मेजर अनिल उर्स ते हवलदार आलोक कुमार दुबे शामल नं। भारतीय वायु सेना दे विंग कमांडर विशाख नायर गी बी शौर्य चक्र प्रदान कीता गेया। शौर्य चक्र शांतिकाल दा त्रिया सारें थमां बड्डा वीरता पुरस्कार ऐ।