खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jul 16, 2020
1:23PM

भारत ते यूरोपीय संघ आर्थिक पुनर्निर्माण ते मानव केंद्रित वैष्विकरण च मुक्ख महत्वै आहली भूमिका निभाई सकदे न: प्रधानमंत्री नरेन्द्र मोदी

AIR NEWS
प्रधानमंत्री नरेन्द्र मोदी होरें आक्खेआ ऐ जे भारत ते यूरोपीय संघ कुदरती हिसस्सेदार न ते कुल संसारी रमानदारी ते टिका बनाई रक्खने लेई ए सांझ-भ्याली मती जरूरी ऐ। उने आक्खेआ जे सरकार भारत ते यूरोपीय संघ बश्कार सरबंधों गी होर निग्गर बनाने लेई बचने बज्जी दी ऐ । भारत - यूरोपीय संघ दी 15मीं शिखर बैठक गी वीडियो कांफ्रेंस दे जरिए संबोधित करदे होई श्री मोदी होरें इआं आक्खेआ। ध्यानयोग ऐ जे एहदे षां पैहलें कोविड-19 कारण मार्च च तजवीज कीते गेदे भारत-यूरोपीय संघ सम्मेलन गी स्थगित करना पेआ हा।

इस मौके उप्पर प्रधानमंत्री होरें सारें शा पैहलें यूरोप च कोराना वायरस कारण होये दे नक्सान लेई संवेदना प्रकट कीती। प्रधानमंत्री होरें मेद बुज्जी जे इस वर्चुअल शिखर सम्मेलन दे जरिये भारत ते यूरोपीय संघ दे रिश्तें च तेजी औग। उने आक्खेआ जे इस चाल्ली दा एजेंडा तैयार कीता जाना चाहिदा ऐ जिसी तैह समय सीमा च लागू कीता जाई सके। उने आक्खेआ जे नागरिकें दी सेहत ते समृद्धि गी अज्ज चुनौती दा सामना करना पवा‘रदा ऐ ते कन्ने गै कोविड-19 कन्ने आर्थिक क्षेत्र च वैश्विक स्तह उप्पर नमी समस्यां बनी गेईयां न ते एहदे लेई लोकवादी देषें च मते सैहयोग दी लोड़ सेहई कीती जा‘रदी ऐ।

प्रधानमंत्री होरें एहदे अलावा जलवायु बदलाव ज्नेही चनौतियें गी बी पुट्टेआ। इस मौके उप्पर उने दस्सेआ जे भारत च अक्षय ऊर्जा दे ईस्तेमाल गी बढ़ावा दिता जा‘रदा ऐ ते एहदे लेई उने यूरोप शा नवेश ते तकनीक लेई उनेंगी साद्दा दिता।  प्रधानमंत्री नरेन्द्र मोदी हुंदे कन्ने यूरोपीय परिशद दे प्रधान चार्ल्स माइकल ते यूरोपीय आयोग दी अध्यक्ष उर्सुला वॉन डेर लियन होरें इस बैठक दी सांझे तौर उप्पर प्रधानता कीती।

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1