खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jul 04, 2020
, 
2:33PM

राष्ट्रपति राम नाथ कोविंद होरें धम्मचक्र दिवस उप्पर आशाढ़ पूर्णिमा दे समारोह दा उद्घाटन कीता

AIR NEWS
राष्ट्रपति राम नाथ कोविंद होरें आक्खेआ जे भारत गी इस गल्लै दा मता मान ऐ जे धम्मचक्र इस धरती थमां शुरू होआ। उनें आक्खेआ जे इत्थूं दा शुरू होनें दे मगरा ए होरने ईलाकें च तोहड़ी बी जाई पुज्जेआ। अज्ज धम्मचक्र दिवस दे तौर उप्पर मनाए जाने आले आशाढ़ महिनें दी पूर्णिमा दे समारोह दा राष्ट्रपति भवन थमां उद्घाटन करदे होई अपने संबोधन च उनें आक्खेआ जे अज्जै दे रोज कोई ढाई हजार ब‘रें पैहलें इस दुनिया गी पैहले उपदेश थ्होये हे।

इस मौके उप्पर, प्रधानमंत्री नरेंद्र मोदी होरें आक्खेआ जे दुनिया गी इस्लै केंई गंभीर ते मुश्कल चनौतियें दा सामना करना पवा‘रदा ऐ ते भगवान बुद्ध हुंदे आस्सेआ दस्से गेदे रस्ते उप्पर चलदे होई गै इंदा स्थाई हल कड्डेआ जाई सकदा ऐ। उने आक्खेआ जे भगवान बुद्ध हुंदे आस्सेआ दस्से गेदे 8यें रस्तें यानी आष्टांगिक उप्पर टुरदे होई गै समाज ते देषे दी भलाई होई सकदी ऐ। कोविड महामारी कारण, पूरे कार्यक्रम दा संचालन वर्चुअल रूप च कीता गेदा ऐ।

दुनिया भर च लगभग 30 लक्ख श्रद्धालुयें लाइव वेबकास्ट दे राहें अज्जै दा कार्यक्रम दिक्खेआ। धम्मचक्र दिवस, उत्तर प्रदेश च वाराणसी दे लाग्गे सारनाथ च अपने पैहले 5यें शिष्यें गी भगवान बुद्ध हुंदे आस्सेआ पैहलो-पैहल दिते गेदे उपदेश दे उपलक्ष्य च मनाया जंदा ऐ। कुल संसार च  बौद्ध गी मनने आहले इसी  धम्मचक्र प्रवर्तन दिवस दे तौर उप्पर मनांदे न।

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1