खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jun 08, 2020
, 
1:04PM

जम्मू-कश्मीर प्रशासन नै कोविड-19 दे मद्देनजर प्रदेश दे सब्भनें जिलें गी नमे सिरेआ रैड, ओरेंज ते ग्रीन जोन च बड्डेआ

RNU Jammu
जम्मू-कश्मीर प्रशासन नै कोविड-19 दे मद्देनजर प्रदेश दे सब्भनें जिलें गी नमे सिरेआ बक्ख-बक्ख वर्गें च तकसीम कीता ऐ। कश्मीर घाटी दे गांदरबल ते बांडीपोरा जिलें गी छोड़ियै होरनें सब्भनें जिलें गी रेड जोन च रक्खेआ गेआ ऐ। जम्मू खित्ते दे रामबन जिले च हाल दे दिनें दौरान केईं नमें मामले सामने औने करी रामबन जिले गी बी रेड जोन च पाई दित्ता गेआ ऐ। एहदे अलावा कठुआ, सांबा, गांदरबल , बांडीपोरा, रियासी, उधमुपर, पुंछ, राजौरी ते जम्मू जिलें गी ओरेंज ज़ोन च रक्खेआ गेदा ऐ। एह्दे शा पैह्ले सांबा ते कठुआ जिलें गी रेड जोन च रक्खेआ गेदा हा पर हून इनें दौनें जिलें गी आरेंज जोन घोशित कीता गेआ ऐ। जम्मू-कश्मीर दे प्रवेश द्वार लखनपुर गी कन्टेनमैंट जोन करार दित्ता गेआ ऐ। जम्मू खित्ते हेठ औने आह्ली चिनाब घाटी दे डोडा ते किष्तवाड़ जिलें गी पैह्ले आह्ला लेखा ग्रीन जोन आह्ली श्रेणी च गै रक्खेआ गेआ ऐ। जंदे सोमवार थमां लाकडाउन च दित्ती गेदी खरी मती छूट दे चलदे मौजूदा हालात दा बरीकी कन्नै जायजा लैने परैन्त जिलें गी बक्ख-बक्ख वर्गें च पाया गेआ ऐ। लखनपुर गी उआं अजें बी जरनैली सिड़कै एप्पर कोई 500 मीटर दे ईलाके तोहड़ी रैड जोन घोशित कीता गेदा ऐ। सरकार दा आक्खना ऐ जे समें -समें उप्पर सारें जिलें दी समीक्षा कीती जाग ते हालात दे मताबक गै जिलें दा नमें सिरेआ वर्गीकरण कीता जाई सकदा ऐ। इआं इनें जिलें च किस चाल्ली दी गतिविधियें दी खुल्ल होई सकदी ऐ इस बारै तैह कीता जाग। सौ फीसद आर.टी.पी.सी.आर जांच लेई बी हिदायता जारी कीतियां गेईआं न। यात्रा करने आहलें लेई दिशा-निर्देश जारी कीते न इंदे मताबक सारें यात्रियें गी अपने मोबाईल उप्पर अरोग्य सेतू एैप डउनलोड करना होग, सारे प्रदेषें गी आक्खेआ गेआ ऐ जे हवाई अड्डें , रेलवे स्टेशनें, बस अड्डें उप्पर थर्मल स्क्रीनिंग गी यकीनी बनाया जा। एहदे अलावा सारें यात्रियों ज्हाज यां गड्डी च चढने शा पैहलें ए सुनिश्चित करना होग जे ओ यात्रा पूरी होने बाद लाजमी तौर उप्पर चैदह दिनें दे क्वारंटीन च रौहंगन। एहदे अलावा जेकर उंदा कोविड19 दा नमूना नेगेटिव पाया जंदा ऐ तां इस सूरत च यात्रियें गी अगले सत्तें दिनें तोहड़ी आपुं अपनी निगरानी च घरै च गै क्वारंटीन दी खुल्ल दिती जाई सकदी ऐ।

ते जेकर परतिये कोई लक्षण सेहई हुंदे न तां उनेंगी अपने प्रदेश यां फ्ही राश्ट्रीय स्तह दे निगरान काल सेंटर कन्ने राबता करना होग। यात्रा शुरू होने शां पैहलें यात्रियें गी टिकट दे कन्ने गै दिशा-निर्देशें दी सूची बी संबंधित एजेंसियें आस्सेआ उपलब्ध कराई जाग। थर्मल स्क्रीनिंग दे बाद कोविड दे लक्षण नेहीं होने मगरा गै यात्रियें गी जा़ने दी अनुमति होग।  जम्मू कश्मीर सरकार नै हवाई ते होर दूये तरीकें कन्नें औने आहले किश वर्गें दे यात्रियें गी 14यें दिनें दे प्रशासनिक क्वारंटीन थमां राहत दिती ऐ।

मुक्ख सचिव बी.वी.आर सुब्रामनयम होरें आक्खेआ ऐ जे किश मामलें च मरीजें गी वापसी उप्पर सिद्दे उंदे घरें च जांच मगरा क्वारंटीन च भेज्जी दिता जाग पर जेकर उंदे च कोविड19 दे कोई लक्षण पाये जंदे न तां उनेंगी फौरन ईलाज लेई अस्पतालें च आंदा जाग। इनें मरीजें च गर्ववती महिलां, कैंसर दे मरीज जिंदी कीमोथैरेपी कीती जा‘रदी होयै, आप्रेशन मगरा अस्पताल शा परतौनें आहले, डयलसिस दे मरीज, इक ब‘रें शा घट्ट बरेसू दे न्यानें दियां मौरियां, ईक्कले यात्रा करने आहले 10यें ब‘रें शा हेठली बरेसू दे बच्चे शामल न। इनें हिदायतें दी कुसै बी चाल्ली दी अनदिक्खी कीते जाने उप्पर आपदा प्रबधन कानून तैहत सख्त कारवई कीती जाग।

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1