खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jun 07, 2020
12:22PM

वंदे भारत मिशन दे त्रीये गेड़ लेई एयर इंडिया नै छड़े 15एं घैंटें च गै 22 हजार शा मती टिकटां बेची दित्तिआं

वंदे भारत मिशन दे त्रीये गेड़ लेई एयर इंडिया नै अमरीका, कनाडा, यूनाईटेड किंगडम ते यूरोप च बक्ख-बक्ख थाह्रें चलने आह्ली डुआरिएं लेई छड़े 15एं घैंटें च गै 22 हजार शा मती टिकटां बेची दित्तिआं न।

वंदे भारत मिशन दे तैह्त जंदी 6 मई थमां तकरीबन 65 हजार भारतीयें गी वापस आह्न्नेआ जाई चुके दा ऐ। लोकें दी जबरदस्त प्रतिक्रिया गी दिक्खदे होई एयर इंडिया नै आखेआ ऐ जे ओह् वंदे भारत मिशन दे त्रीये गेड़ तैह्त अपनी डुआरिएं लेई होर मती टिकटें दी पेशकश करोग।

वंदे भारत मिशन दे त्रीये गेड़ तैह्त ब्हाई टिकटें दी बिक्री जंदे षुक्रवारें संझा’लै षुरु होई ही ते कल बड्डलै 8 बजे तगर मती सारी टिकटां बिकी गेदिआं हिआं। इक बयान च एयर इंडिया नै आखेआ ऐ जे इस लौह्की ज्नेई अवधि दौरान 6 करोड़ शा मते लोक ओह्दी वैबसाईट उप्पर गे न।

उनें दस्सेआ जे एह् गिनतरी पैह्ले दे मुकाबले 6 थमां 7 गुणा मती ऐ। एयर इंडिया पास्सेआ वंदे भारत मिशन दे त्रीये गड़ दौरान इस म्हीने दी 10 तरीक थमां लेइर्य पैह्ली जुलाई तगर यूरोप, अस्ट्रेलिया, कनाडा, अमरीका, यूनाईटेड किंगडम ते अफ्रीका च बक्ख-बक्ख थाह्रें लेई तकरीबन 300 डुआरियां चलाईयां जाङन।

विदेषें च फसे दे भारतीयें गी वापस आह्नने आस्तै वंदे भारत मिशन दे पैह्ले गेड़ तैह्त  एयर इंडिया नै 64 डुआरिएं दे राएं 12 हजार 7 सौ 8 भारतीयें गी वापस आह्न्नेआ जिसलै के दुए गेड़ दौरानअजें तगर 2 सौ 90 डुआरिएं दे राएं 52 हजार 1 सौ 13 भारतीयें गी वापस आह्न्नेआ जाई चुके दा ऐ।

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1