खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jun 06, 2020
1:43PM

भारत ते चीन दोने देशें बश्कार तनाजें गी रमानदारी कन्ने हल करने लेई राजी

AIR NEWS
पूर्वी लद्दाख क्षेत्र च भारत-चीन सीमा विवाद हल करने आहली भेठा इक महत्व आहली गैंई च दोनें देशें दे लेफ्टिनेंट जनरल स्तह दे फौजी अफसरें दी बैठक लग्गा‘रदी ऐ। भारतीय सेना ते चीन दी पीपल्स लिबरेशन आर्मी दे अधिकारी लेह शा कोई त्रै सौ किलोमीटर दे छिंडे उप्पर चीन आहली बक्खी दे मोलदो च बैठक लांगन। भारतीय प्रतिनिधिमंडल दी अगुआई 14मीं कोर दे कमांडर लैफ्टिनेंट जनरल हरेंद्र सिंह करा‘रदे न। तांई, भारत ते चीन दोने देशें बश्कार तनाजें गी रमानदारी कन्ने हल करी लैने लेई राजी होई गे न।

वदेश मंत्रालय च पूर्वी एशिया दे मामलें दे संयुक्त सचिव नवीन श्रीवास्तव होरे चीन दे वदेश मंत्रालय च महानिदेशक वु-जिंघाहओ हुंदे कन्ने कल विडियो कांफ्रेस राहें गल्लबात कीती। दोने देशें बश्कार लैफ्टिनेंट जनरल स्तह दी गल्लबात दे छड़े इक दिन पैहलें ए गल्लबात होई ऐ ते दोनें मुल्खें बश्कार मौजूदा हालत च ए बातचीत मती अहम मन्नी जा‘रदी ऐ। इस गल्लबात च दोनें देशें ईस्लै बने दे घटनाक्रम दी पच्छौकड़ च आपसी रिष्तें दी समीक्षा कीती।

इस मौके उप्पर दवै मुल्खें बश्कार उस सैहमति गी इक बारी परतिये दोहराया गेआ जेहदे च आक्खेआ गेआ ऐ जे भारत ते चीन बश्कार रमानदारी, शांति, टिका ते बरौबरी आहले रिष्ते कुल संसार च ईस्ले बने दे हालात च मते जरूरी न। दोनें पक्खें इस गल्लै उप्पर रजामंदी जाहिर कीती जे सारें मुद्दें गी रमानदारी कन्ने इक दूये प्रति संवेदनशीलता ते आसें-तांगे दा ख्याल रक्खदे होई हल करी लैते जांगन।

इस मौके उप्पर दोने पक्खें कोविड19 कारण बने दे हालात ते इस चनौती दा सामना करने लेई इक दूये दा साथ सैहयोग करने बारै बी बचार सांझा कीते। 

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1